Boyar Matveyevi təcili geri çağırdılar, çariça onun məsləhətləri ilə hərəkət etməyi qərara almışdı. Matveyev Pustozyorskdan paytaxta gəlib çatana kimi, Narışkinlərin əleyhdarları Miloslavskilər və Sofya tarixçi S.M.Soloyovun sərrast ifadəsinə görə “sui-qəsd qazanı qaynatdılar”, öz əleyhdarları ilə mübarizədə strelets qoşunundan silahlı dayaq kimi istifadə etdilər. Onu da qeyd edək ki

Sofyanın yeddiillik hakimiyyət dövrü başladı. Sofyanın məşuqu knyaz Vasili Vasilyeviç Qolitsın hökumətin başçısı oldu. O, müasirlərin arasında zəngin mütaliəsi ilə xarici dilləri bilməsi ilə fərqlənirdi. Onun pərəstişkarlarından biri knyaz haqqında belə demişdi: O, “çox yaxşı və dərin zəkalı bir şəxsiyyət idi, hamının sevimlisi idi”. Posol prikazının rəhbəri olan Qolitsın 1686-cı ildə Polşa ilə əbədi sülh bağladı. Müqavilə Kiyevin Rusiya ilə birləşdiyini təsdiq etdi. Bu, xarici siyasətdə qazanılmış çox böyük müvəffəqiyyət idi.

Rusiya Kiyevi əldə etməsinin müqabilində Türkiyə əleyhinə birliyə (həmin birliyə Polşa, Avstriya və Venesiya daxil idilər) qoşulmağı və Krım tatarlarına qarşı yürüşlər keçirməyi öhdəsinə götürdü.