Məmməd İsmayıl

    Seljansitat gətirir3 ay öncə
    Sənsiz qalan dünyam gor, əzabı gor,

    Nələr çəkdiyimi çəkməyənə sor!

    Ölüm gününəcən açılması zor –

    Gizli sirr saxlaram, səndən yadigar.
    Seljansitat gətirir3 ay öncə
    Səni dəli kimi sevəcək gözəl,

    Bəlkə doğulacaq başqa əsrdə...
    Seljansitat gətirir3 ay öncə
    Nəyinə gərək
    Daha mən səninçün keçilmiş yolam,

    Oxunmuş kitabam, dərilmiş çiçək.

    Dönüb innən belə lap qızıl olam,

    Ya ki, daş parçası – nəyinə gərək.

    Axı, hər çiçəyin ömrü bir dərim,

    Köksündə nar kimi yetişib ürək.

    Nəyinə gərəkdir yorğun əllərim,

    Dalğın xəyallarım nəyinə gərək.

    Çatar qulağına uzaq sorağım,

    Yaxın ülfətimin dərdini az çək.

    Nəyinə gərəkdir solan yanağım,

    Soluxan dodağım nəyinə gərək?

    Qıyma məhəbbətin cavan çağına,

    Payız həsrət çəkər yaz yarpağına.

    Ölmüşəm, qalmışam, nəyinə gərək,

    Harada qocalmışam, nəyinə gərək!

    1980
    Seljansitat gətirir3 ay öncə
    “İşıqda kölgə var, kölgədə işıq”,

    Dağ düzdən ucadır, sevinc kədərdən!
    Seljansitat gətirir3 ay öncə
    Apar məni
    Apar məni baharlara

    Neyləyirəm mən qışı

    Sənə qalsın bu dünyanın

    Yağan qarı, yağışı.

    Apar məni baharlara –

    Sevildiyim günlərə.

    Arzu olub yer üzünə

    Səpildiyim günlərə.

    Durnaların qanadıyla

    Apar məni yazlara.

    Bulaqlardan sevgi axır

    Xəbər göndər qızlara.

    Qoş günəşə – göndər mənə

    Bir parça yaz səması.

    Yoxsa sevən ürəyimin

    Donar sevgi dünyası.

    Bahar oldu, bahar soldu

    Apar məni yaylara.

    İtirdiyim illərə yox,

    Yaşadığım aylara.

    Apar məni payızlara,

    Nəyləyirəm mən yazı?

    Ömrüm-günüm, axı sənsiz

    Nədir ömrün mənası?!

    Yazı qaytar yalqızlara

    Apar məni qışlara.

    At bu dəcəl ürəyimi

    Qarlara, yağışlara.

    1970
    Seljansitat gətirir3 ay öncə
    Sеvgi
    Səndə murazına çatdı vaxt, vədə,

    Sevən ürəyimin səndin ilk haqqı.

    Bilmirsən, aradan illər keçsə də

    Boynumda haqqın var, şairlik haqqı...

    Getdin, iraq oldun, ortaq olmadın,

    Yolumun yoldaşı sonsuz bir dərdə.

    Olmadığın yerdə həsrətdin, qadın,

    Bilməm nə olmusan olduğun yerdə...

    Verdiyin o dərdin dalınca getdim,

    Çoxaldı dünyada bir adı batmış.

    Etdim, qədərimlə zarafat etdim,

    Qədərlə zarafat pis zarafatmış...

    Sevib, sevilməmək bir aldanışsa,

    Və... sonra önündə ümidsə çağlar...

    Yaxşısı budur ki, susum. Danışsam

    Gedib gözlərində xatirəm ağlar...

    Çəkilməz həsrətin – saçımdakı dən,

    Ağlıma gələnlər başıma gəlmiş:

    Sevdiyin gözəlin bəlkə özündən,

    Uzaq xatirəsi daha gözəlmiş...

    Sağalmaz yaraymış sevgi yarası,

    Əlim nə arana, nə dağa çatar.

    Xəyalım qürbətlə vətən arası,

    Yollarda başını girləyən qatar...

    Tale gözü qıpıq, ömrün dadı yox,

    Nə varsa tükənib getdi səhvlərdə:

    Bizim tərəflərdə bunun adı yox,

    Bilməm nə deyirlər siz tərəflərdə...

    2007
    Seljansitat gətirir3 ay öncə
    həsrətimi çəkərsən
    Ovudarsan özünü özün göz yaşlarınla,

    Dönər həsrət gölünə gözün göz yaşlarınla,

    Yanağına ələnən həzin göz yaşlarınla,

    Həsrətimi çəkərsən, çəkərsən həsrətimi.

    Səksəkəli gəzərsən ayağının ucunda,

    Adım çəkilmək istər dodağının ucunda.

    Telefon nömrələrim barmağının ucunda,

    Həsrətimi çəkərsən, çəkərsən həsrətimi.

    Ayrılıq bir dağ olsa, o dağa çəkilərsən,

    Hicrana rəng qatarsan, yanağa çəkilərsən.

    Bir gündə neçə dəfə sınağa çəkilərsən, –

    Həsrətimi çəkərsən, çəkərsən həsrətimi.

    Hiss kimi dolaşarsan qəlbimdə qan yerinə,

    Günəş kimi doğaram fikrinin dan yerinə.

    Səni məndən ayıran qürbət sərhədlərinə, –

    Həsrətimi çəkərsən, çəkərsən həsrətimi.

    Yellər, sellər, dənizlər aramıza yol çəkər,

    Tanrı şimşəkləriylə imza atar, qol çəkər,

    Bir nöqtəyə dirənən baxışların yol çəkər, –

    Həsrətimi çəkərsən, çəkərsən həsrətimi.

    Min bəlanın izi var səslənən hər “eh”ində,

    Qazancın qana döndü, batıb getdi behin də.

    Fikrin çiçək falında, əlin qəm təsbehində, –

    Həsrətimi çəkərsən, çəkərsən həsrətimi.

    Könlümün dan yerinə doğmadın gün yerinə,

    Dar ağacı qurursan dünyanın gen yerinə.

    Bezdən kəfən olurmu, ölsəm kəfən yerinə –

    Həsrətimi çəkərsən, çəkərsən həsrətimi.

    2008
    Seljansitat gətirir3 ay öncə
    Bomboz həqiqətlər apağ yalandı...
    Seljansitat gətirir3 ay öncə
    Nədən yer üzünün ən gözəl gülü,

    Gedib bataqlığa kök atır, nədən?
    Seljansitat gətirir3 ay öncə
    Axırda pərvanə aldadır şamı,

    Sorma niyəsini – son niyəsizdi...
fb2epub
Faylları buraya köçürün, bir dəfəyə 5-ə qədər fayl