Napoleon Hill

İstənilən arzu reallığa çevrilə
bilər – yetər ki, ona inanasınız.

Bütün uğursuz insanların səhvi ondadır ki, lazım olduğundan artıq və yaxşı işləməkdən, əvəzində pul və ya başqa bir haqq almayacaqları işi görməkdən qorxurlar.

Haçansa bir adam çox doğru söyləyib: “Mən sənə 1 dollar versəm, əvəzində sən də mənə 1 dollar qaytarsan, bundan heç birimiz udmayacağıq. Amma biz bir-birimizlə öz ideyalarımızı bölüşsək, hər ikimiz ikiqat ­varlanacağıq”.

Ralf Emerson bir dəfə müdrikcəsinə söyləyib: “Hər bir insanda öyrənməli nəsə var. Ona görə də mən hamının şagirdi olmağa hazıram”.

Göy qurşağının o üzündə gizlədilmiş qızıl küpəsi haqqında məşhur nağılı yada salın. O, çox ibrətamizdir. Bilin ki, göy qurşağı artıq mili başa vurduğunuz yerdə qurtarır. Sizin qızıl küpəniz məhz orada gizlədilib!

Bu yol əzablı yoldur. Göy qurşağının qurtardığı yerə gedib çatmaq asan deyil: gedirsən, gedirsən, yol isə bitmək bilmir. Göy qurşağının axırına yetməyə kömək edən sirdən hələ də xəbəri olmayan hər adamın başına gələn işdir. Sirr budur: göy qurşağının uzunluğu qət eləyəcəyiniz artıq milin uzunluğuna bərabərdir, vəssalam. Sizin miliniz qurtaranda intizarında olduğunuz zənginliklər öz-özünə peyda olacaq.

Münasib məqamı gözləməyin:
o, heç vaxt gəlməyə bilər.

Psixoloqlar nahaq yerə deməyiblər: əgər insan nəyəsə hazırdısa, bu, mütləq baş verəcək.

FİKİRLƏRİMİZ İSTƏNİLƏN HİSSLƏ BİRLƏŞƏRƏK, “MAQNİT SAHƏSİ” YARADIR, SONUNCUSU OXŞAR FİKİRLƏRİ, ƏŞYALARI VƏ HADİSƏLƏRİ CƏLB EDİR.

“Qızıl qızdırması” günlərində minlərlə başqaları kimi, R.U.Derbinin5 əmisi də tez bir zamanda varlanmaq həvəsinə düşür və o bu məqsədlə Qərbə QIZIL AXTARMAĞA gedir. Derbi əslində yerin altında o qədər də qızıl olmadığı fikrini yaxınına belə buraxmırdı. O, əldə etdiyi sahəyə payalarla sərhəd çəkib, gecə-gündüz külüng çalmağa başlayır. O, istəyində qərarlıydı: qızıla olan şiddətli həvəsi onun inadkarlığını ­yemləyirdi. Beləcə, bir neçə həftəlik məşəqqətli əziyyətinin qarşılığında gözqamaşdıran külçələrlə mükafatlandırılır. Lakin onu yuxarı qaldırmaq üçün Derbiyə texnika lazımıydı. O, sakitcə şaxtasını bağlayıb evə, Uilyamsburqa, Merilend ştatına dönür və qohumlarını məsələdən xəbərdar edir. Maşını ala bilmələri üçün birlikdə pul toplayırlar, sonra Derbi və əmisi qızıl yataqlarına qayıdırlar. Beləcə, qızıl külçələri doldurulmuş ilk yük maşını metaləridənin yanına aparılır, süxurun analizi həyata keçirilir; nəticə başgicəlləndirici olur: sən demə, əmi Koloradoda ən zəngin qızıl yatağını tapıbmış! Daha bir neçə bu cür yük maşını – və o yalnız zərərini aradan qaldırmayacaq, həm də varlı bir insana çevriləcək! Əmi çılğınlıqla qazmağa başlayır. Lakin tezliklə qızıl damarının... yoxa çıxması aydın olur. Onlar lap sonunadək qazırlar, amma bir daha qızıla rast gəlmirlər. Onlar yenə də qazmaqda davam edirlər, ümidlərini heç cür üzmürlər, amma səyləri uğursuzluqla nəticələnir. Nəhayət, şaxtadan əl çəkmək qərarına gəlirlər.

Ralf Uoldo Emerson, Tomas Peyn, Tomas Alva Edison, Çarlz Darvin, Avraam Linkoln, Lüter Berbank, Henri Ford, Napoleon Bonapart və Endrü Karneqi.