Bu kitabdan sitatlar: «Qan ləkəsi», Elxan Elatlı

Əlaqənin təzahür etdiyi o biri mənadan isə bəlkə heç Tanrının da xəbəri yox imiş. Burada tərəflər bir-birinə qəlblərinə müvəqqəti hakim olmuş ehtiraslarını söndürmək üçün yaxınlaşırlar. Bu əlaqə insanların çoxu tərəfindən indi də qəbul olunmur və bunu Şeytanın yoldan çıxarması kimi anlayırlar.
Aristotelin ziddiyyət qanununda deyilir ki, bir-birini inkar edən iki fikir eyni zamanda və eyni şəraitdə düzgün ola bilməz.
foto828
foto828sitat gətirir3 il öncə
«Get, mənim əziz Leopardım! Get, amma sənə dediklərimi də unutma! Bilirəm, sən maskalanmaqdan, başqa ad altında gizlənib, düşmənə tələ qurmaqdan açıq döyüşü daha üstün tutursan. Hətta belə döyüşlərdə dəfələrlə öz qəhrəmanlığını sübut etmisən. Mən heç inanmıram ki, təkbətək açıq döyüşdə sənə qalib gələ bilən bir igid tapılsın.
Amma yadında saxla ki, sən bu cəsarətinlə, bu gücünlə aslanlarla, qurdlarla döyüşə bilərsən, ilanlarla yox! İlanla düşmən olana fiziki gücdən daha çox ayıqlıq, ehtiyatlılıq və hiyləgərlik lazımdır. Əgər bu keyfiyyətləri də fiziki gücünlə birləşdirə bilsən, əmin ola bilərsən ki, qələbə həmişə sənin olacaq!»
(Məxfi şöbənin rəisi polkovnik Baratovun
Leopardı kəşfiyyata göndərərkən dediklərindən. Sentyabr 1993-cü il).
Ölmə hələ, Kobra! – dedi. – Mənə qulaq as! Özü də diqqətlə qulaq as! Səni o uşağa, onun anasına görə öldürürəm! Xanəlinin oğlunu öldürdüyünə görə öldürürəm! Laçında, Kəlbəcərdə, Cəbrayılda, Bakıda, nə bilim, daha harada, öldürdüyün azərbaycanlılara görə öldürürəm! Get! Get, o dünyada da Allah özü verəcək cəzanı!
Canını istəyirəm, Kobra, canını!
Xankəndidəki əsir düşərgələrinin birində əsirlərin daxili orqanlarının çıxarılıb xaricə satılmağına rəhbərlik edirmiş.
Yadındadı, Leopardın əsirlikdən xilas etdiyi oğlan nə danışırdı?
Üstəlik, neçə qız-gəlinin namusuna toxunub bu alçaq!
Baratov sözünə ara verib bir siqaret yandırdı.
Onları da çox gördülər mənə… Əzizlərimi öldürüb, məni əsir götürdülər… Cəbrayıl kimi, Kəlbəcər kimi, Laçın kimi… Öldürmədilər ki, canım qurtarsın mənim də.
– Məni elə ona görə çağırmışdılar.
Komendantın göstərişi ilə gənc kəşfiyyatçının qollarını arxaya çatıb, kəndirlə möhkəm bağladılar.
Leopard russayağı saqqal saxlayıb qrimlənsə də, Artur onu görən kimi tanıdı. İstehza ilə gülüb, öz nazik, ciyiltili səsilə dedi:

– Baho, Alik, xoş gördük səni!

Uşaqlıqda hamı onu Alik deyə çağırırdı. Elə Artur da. Leopard bir anlıq düşündü ki, Artur bəlkə də onunla qatı düşmən kimi rəftar etməyəcək. Necə olmasa, on altı il bir həyətdə yaşamışdılar. Bir süfrədən çörək yeyib, bir qabdan su içmişdilər. Anası həmişə qayğı göstərmişdi bu erməni balasına. Ancaq tez də səhv etdiyini başa düşdü.

Artur Leopardın Bakıdan göndərilmiş kəşfiyyatçı olduğunu deyib, onu tutmağı əsgərlərə əmr etdi. Vəziyyətin çıxılmaz olduğunu başa düşən gənc kəşfiyyatçı, indi uzanıb qaldığı bu evin qarşısında, düşərgənin asfalt döşənmiş meydançasında, on nəfərdən çox əsgərin üstünə atılmağa məcbur oldu. Bu döyüşü görən hər kəs onun əsl leopard kimi vuruşduğunu etiraf edərdi. O, artıq düşmənlərinin bir neçəsini vurub şil-küt eləmişdi. Onların ayağa qalxmağa
Bəli… İndi Leopardın heç cür ağlına gələ bilməzdi ki, beş ildən sonra burada – bu əsir düşərgəsində Arturla rastlaşacaq. Amma burada onu Artur yox, Valeri deyə çağırırdılar. Belə çıxırdı ki, Rostova gedəndən sonra hansısa cinayətdə ifşa olunaraq, tanınmamaq üçün adını dəyişib. Ya bəlkə də heç belə deyildi. Kim bilir?..
b4268479237
b4268479237sitat gətirirkeçən il
Keçmiş polis əməkdaşı yaxşı bilirdi ki, istənilən insanın qəlbinin dərinliklərində heyvani hisslər yaşayır və onun nə vaxtsa üzə çıxması şəraitdən çox asılıdır.
b4268479237
b4268479237sitat gətirirkeçən il
Sevəndə bütün başqa hisslər, söz-söhbətlər xırdalaşır adamın gözündə
b4268479237
b4268479237sitat gətirirkeçən il
Məhəbbət də elə bir şeydir ki, insanın öz əlində deyil onu yaratmaq. Özü gəlir və çox vaxt da yerinə düşmür heç!
kitabsevər
kitabsevərsitat gətirirkeçən il
«Yəni, doğrudanmı, Kobranın bizə qarşı etdiyi cinayətlər cəzasız qalacaq? Belə çıxır ki, onu tuta bilsək, vətəndaşı olduğu ölkəyə təhvil verəcəyik və orada ona beş-on il iş kəsəcəklər. Oğurluğa, qarətə görə… Biz səsimizi çıxaranda da sübut istəyəcəklər. Nə olar?.. Əziyyət çəkib sübut da, şahid də göstərərik. Şahid… Amma neyləyək ki, onun əməllərinin şahidi olanlar indi şahid yox, şəhiddirlər…»
kitabsevər
kitabsevərsitat gətirirkeçən il
Əgər Allahverdinin qarşısına adi bir parça atsaydılar, boş yerə inad göstərib, əzab verdirməzdi özünə. Kobranın dediyini eləyib canını qorumağa, ömrünü az da olsa uzatmağa çalışardı. Amma bu parçada üç rəngli zolaq var idi: göy, qırmızı, yaşıl. Qırmızı zolağın üzərində ağ rənglə aypara və səkkizguşəli ulduz rəsmi çəkilmişdi. Yox! Yox! Yox! Bu parçanı ayaq altına atmaq olmazdı! Bu parça haqqında hətta bunu düşünmək də ayıb idi! Ona elə gəlirdi ki, yad kişilər anasının baş ləçəyini çıxarıb ayaq altına atıblar. Əyilib yenə də qamarlayırdı bayrağı. Vururdular, lap insafsızcasına, vəhşicəsinə vururdular, amma hamısına dözürdü. Sındıra bilmirdilər onu.
sən bu cəsarətinlə, bu gücünlə aslanlarla, qurdlarla döyüşə bilərsən, ilanlarla yox! İlanla düşmən olana fiziki gücdən daha çox ayıqlıq, ehtiyatlılıq və hiyləgərlik lazımdır. Əgər bu keyfiyyətləri də fiziki gücünlə birləşdirə bilsən, əmin ola bilərsən ki, qələbə həmişə sənin olacaq!»
duyğusunu birdəfəlik itirəcək. «Bu mənəm, Fatiməyəm. Mən də insanam, yaşayıram, duyuram, zövq alıram, sevirəm, sevilirəm!»
fb2epub
Faylları buraya köçürün, bir dəfəyə 5-ə qədər fayl