İntiqam Əli. Meydan (sonrakı redaktə ilə)
Bakı, “OL”NPKT, 2018‐ci il, 332 səh.
Əsərin əsas qəhrəmanı Sara hüquq fakültəsinin tələbəsidir. Atası Mehman Səfərli ağır cinayətlər məhkəməsində hakim işləyir. Dörd nəfərlik mehriban ailə düzənli həyat sürür.
Həssas mövzularda müxtəlif ictimai debatlara qatıldıqdan sonra Saranın baxışlarında köklü dəyişiklik baş verir. Bu müzakirələr ona cəmiyyətdə oturuşmuş bir çox vərdişlərin, adət və ənənələrin, o cümlədən ailə münasibətlərində milli-mənəvi dəyərlər kimi təqdim olunan buxovların toplumun inkişafına necə əngələ çevrildiyini görməyə imkan verir. Və Sara öz çevrəsində onlara qarşı çıxmağa başlayır…