Yenidən səmaya baxdı. Ulduzlar parlayırdı. Başını döndərib sağa, sonra isə sola baxdı. Ətrafda yaşayış binaları qurtarmışdı. Yalnız park görünürdü. Bir az aralıda isə işıq gələn bir bina var idi. Deyəsən, onun yanından keçib gəlmişdi, amma yadında deyildi. Yaxınlaşdıqca bina tanış gəlməyə başladı. Birdən onu qəribə bir hiss bürüdü. Elə bil sümükləri üşüdü. Gözlərini yumub-açdı və bir də baxdı. Yanılmamışdı. Həmin bina idi. Yuxularındakı bina.