Qılman İlkin

Bakı və bakılılar (dördüncü nəşr)

Azərbaycan xalq yazıçısı və Bakı tarixinin bilicisi Qılman İlkinin “Bakı və bakılılar” kitabında Bakı və onun qədim tarixi haqqında çox maraqlı məlumatlar əldə edəcəksiniz. Bakı milyonçuları və ziyalıları, ruhaniləri, qoçuları və hanbalları, Bakı mətbuatı, təhsil və maarifin səviyyəsi xanlıqlardan tutmuş bu günümüzə qədər paytaxtımızın mənzərəsini ustalıqla təsvir edən yazıçımızın bu əsəri Sizi boş buraxmayacaq. Oxunaqlı dillə qələmə alınmış bu əsəri yaşı çox olan fotolar bəzəyir.
Sizi bu maraqlı kitabla baş-başa buraxırıq.
549 kağız səhifələr

Bənzər kitablar

Təəssüratlar

    Lacivərd Məmmədovatəəssüratları paylaş4 il öncə
    👍Tövsiyə edirəm
    🎯Faydalı kitabdır

    Uzun müddətdir ki, rəfimdə qalıb. Hey oxumaq istəyirdim alınmırdı. Kitab çox gözəl, doğma yazılıb. Demək olar, bütün Bakını, bütün mövzuları əhatə edib. Başlıqlar yaxşı seçilib. Bir tərəfi Bakılı olan biri kimi bəyəndim :)
    Xoşuma gəlməyən və kitabı sıxıcı edən məqamlar: 1. İlk bölümlər çox uzaq keçmişi əhatə etdir. Bakı ilk dövlətlər, xanlıqlar. 8-9-cu sinif tarix kitabını vərəqləyirsən sanki ( Təbii ki, Bakının başqa xanlıqlar və s.lə olan münasibətləri qeyd olunub. Bilmirəm ki bu məlumatlarsız dövrü tam təsvir etmək olmaz. Amma Bakı bu bölümlərdə ikinci plana düşüb); 2. Küçələr, mətbuat və s. Həddən artıq çox məlumat, səhifənin sonuna çatanda əvvəlində nə oxuduğun yadına düşmür artıq (Əgər abituriyent vaxtlarım olsaydı və bunlarin qəbula düşəcəyini bilsəydim, sözsüz çox yaxşı əzbərləyərdim. Amma indi o vaxtlar deyil, ona görə də siyahı adamı sıxır).
    Bu kitab mütləq oxumağa dəyər. Müəllifin çox əziyyət çəkdiyi də hiss edilir. Bakımızdan xəbər verən bu zəngin mənbəyə görə təşəkkürlər!)

    Zaur Mirzayevtəəssüratları paylaş4 il öncə
    🎯Faydalı kitabdır

    Seva Sonrisatəəssüratları paylaşkeçən il
    👍Tövsiyə edirəm

Sitatlar

    Nigyar Gumbatovasitat gətirirkeçən il
    Bakı və Xəzri. Şəhərin yaranışından bu iki məfhumu birbirindən ayrı təsəvvür etmək mümkün deyil. Xəzri əsməyə başladımı, bir həftədən tez kəsməz. Qədim bakılılar bir adamın bakılı olub-olmadığını öyrənmək üçün ona belə bir sual verərdilər: "Bakıda qış nə vaxt olur?". Əgər həmin adam "Xəzri əsəndə" deyə cavab verərdisə, onun bakılı olduğuna şübhə etməzdilər
    Lacivərd Məmmədovasitat gətirir4 il öncə
    Qədim bakılılar bir adamın bakılı olub-olmadığını öyrənmək üçün ona belə bir sual verərdilər: "Bakıda qış nə vaxt olur?". Əgər həmin adam "Xəzri əsəndə" deyə cavab verərdisə, onun bakılı olduğuna şübhə etməzdilər
    Sheyla Papatyasitat gətirir4 il öncə
    1826-cı ildə Bakıda olmuş görkəmli səyyah Zeynalabdin Şirvani yazırdı: "Bakını Badkubə də adlandırırlar. Çünki bu yerdə daim küləklər əsir. Bəzən elə güclü əsir ki, şəhərin böyük tikililərini də xəsarətə uğradır. Buna görə burada evlərin özülünü yonulmuş daşlardan qoyur, həyətləri və damları qırla örtürlər".

Rəflərdə

fb2epub
Faylları buraya köçürün, bir dəfəyə 5-ə qədər fayl