Bu təbii qanundur. İnsan ömrünün axırlarında, yaşlı və ahıl çağlarında keçib gəldiyi həyat yolları, onun keçid və döngələrini tez-tez xatırlayır. Mən kiməm, haradan gəlib, hara gedirəm? Düşüncələrim, ağrılarım, uğur və itirdiklərim. “Geriyə yol varmı…”da mən belə mətləblərlə üzləşmişəm. Həyatımın əhəmiyyətli məqamlarını, uşaqlıq və yeniyetməlik illərində yadımda qalanları, xatırlanması vacib olan detalları, anları qeydə almağa çalışmışam. Burada həyatımın elə incə, intim anlarını qələmə almışam ki, bəlkə də bütün bunlar oxucularda təəccüb və təəssüf hissi doğuracaq. Deyəcəklər “burada söyləniləni oxucu ixtiyarına verməyə ehtiyac vardımı?” Fikrimi hayana yozursınız, yozın, mənim həyatım bu məqamlardan, döngə və keçidlərindən ibarətdi. Bu mənim həyatımdır.
