Nəsillərin tarixçəsi məmləkətlərin tarixinin bir parçasıdır. “Yol gəlir Ərdəbildən…” kitabında Gilarlı soyundan, Məşədili tayfasından gələn, əsil-nəcabətinə, var-dövlətinə görə sovet hakimiyyəti illərində ağlagəlməz əziyyətə düçar edilmiş, törəmələri hazırda Cəlilabad rayonunun Şabanlı kəndində yaşayan köklü nəslin keşməkeşli tarixçəsi oxucuların diqqətinə çatdırılır. Bu tarixçənin qələmə alınmasında həmin məslin nümayəndəsi, gözəl ziyalı və iş adamı Hacı Dədəbəy Novruzovun əməyi danılmazdır. Kitab kütləvi oxucular üçün nəzərdə tutulur.
