Əliyev Böyükağa Mirzəağa oğlu 1951-ci il mayın 17-də Qubanın Amsar kəndində dünyaya göz açıb. Uşaq ikən ailəsi ilə birgə dədə-baba yurdu olan Yardımlı rayonunun Bərcan kəndinə köçüb. İbtidai təhsilini doğma kəndində alıb, orta təhsilini Telavar kəndində tamamlayıb. Daha sonra Tibb Universitetinin terapevt fakültəsini bitirib. Tələbəlik illərində tanış olduğu, eyni universitetdə təhsil alan Aybəniz xanımla ailə həyatı qurub. Hərbi xidmətini başa vurduqdan sonra bir müddət Rusiyanın Rostov şəhərində həkim fəaliyyəti göstərib. Lakin doğma yurd sevgisi onun Vətəndən kənarda çox qalmasına mane olub. Ailəsi ilə birgə Bərcan kəndinə qayıdıb və 20 ilə yaxın burada həkim işləyib. Ardınca tibb sahəsindəki fəaliyyətini Sumqayıt şəhərində davam etdirib. Hazırda isə təqaüdçüdür. Dörd övladı var, boş vaxtlarını nəvələri ilə keçirir. Hər zaman şeirə, poeziyaya vurğun olub. Bu da tez-tez qələmi əlinə almağına, hisslərini sətirlərdə əks etdirməsinə səbəb olub. "Sevgi nəğmələri" onun ikinci şeir kitabıdır.
👍Worth reading