Qurban Yaquboğlu (Bədəlov Qurban Yaqub oğlu) 1968-ci il martın 14-də Şamaxı rayonunun Çöl Göylər kəndində doğulub. Bakı Dövlət Universitetini bitirib. Müxtəlif qəzet və jurnallarda ədəbi-bədii, publisistik yazıları, o cümlədən 1990-cı ildə “Xəzər” tərcümə dərgisində silsilə şeirləri “Jurnal içində kitab” formatında dərc olunub. 2000-ci ildə çapdan çıxmış “Min beş yüz ilin oğuz şeiri” antologiyasına (İkinci kitab) şeirləri daxil edilib. 1997-ci ildən Azərbaycan Yazıçılar Birliyinin üzvüdür. 2000-ci ildə gənc şair kimi Prezident Təqaüdü alıb. 2015-ci ildə Azərbaycan mətbuatının 140 illiyi münasibətilə jurnalistikadakı fəaliyyətinə görə “Tərəqqi” medalına layiq görülüb. Ailəlidir, iki övladı var. Bu, müəllifin ilk kitabıdır.
