Seçilmiş Seirlәr

Ömrüm bir qayıqdır – limanı sәnsәn.

Hәyatın beşiyi, ünvanı sәnsәn.

Gümansız könlümün gümanı sәnsәn,

Yaman darıxmışam sәninçin, ana.

Sәni bu hәftәlәr, aylar istәyir.

Saçıntək ağaran çaylar istәyir.

Dünyanın özü dә layla istәyir,

Yaman darıxmışam sәninçin, ana.

Sevincini kəm görüncə dünyada,

Kədərini cəm görüncə dünyada.

Dərd görüncə, qəm görüncə dünyada

Kaş bir az da gün görəydin, ay ana,

Biz görəni sən görəydin, ay ana.

Bir qış qayıdıb gәlәr,
yaddan çıxdığı yerdәn,
Bir kәdәr tüstülәnәr
evlәr yıxdığı yerdәn,
İkiyә haçalanar
yol darıxdığı yerdәn...

İLK ÜMİD, SON MӘKAN

Ayağımın altında

Qar yatır xırıp-xırıp.

Yoxsa, qismәtim mәni

Qışa qonaq çağırıb.

Ay ağ gilas, qızıl zoğal, şəfalı armud?!

Mən gedirəm, sizə qalır ana torpağı,

Ölənəcən xəbərimi daşıyarsınız.

Kökünüz ki, belə qucub ana torpağı,

Siz yaşayın, milyon il də yaşayarsınız!

Bircə ana-vətənmiş,

Yerdə qalanı qürbət…

Gözümü açanda gördüm Arazam

Yarım bu taydadır, yarım o tayda...

Özü öz səsinə vurulan bulaq,

Ruhuna çilənən o su – Vətənmiş.

Bahar aylarında yaşıl zoğ kimi,

Köksümdən göyərən arzu – Vətənmiş!...

Yenә qarşıdan qış gәlir.

Payız әllәri boş gәlir.

Sәn oxu, mәnә xoş gәlir

Yağmur duası, ay bulud.