Əjdər Ol

Canlı lətifələr, əhvalatlar, deyimlər

Yaşamış və yaşamaqda olan görkəmli şəxsiyyətlərin və sadə insanların dilindən çıxmış şux lətifələr, maraqlı əhvalatlar, sərrast deyimlər xəzinəsi olan bu kitabda sələflərimizin və müasirlərimizin ömürlərinin ən yaddaqa-lan, ən duyğulu, ən həssas, ən müdrik, ən hazırcavab, ən uzaqgörən və ən fəhmli məqamları üzə çıxır.

Zaman-zaman ağızdan-ağıza gəzən, görüşlərdə, məclislərdə, orda-burda qulağım çalan bu canlı lətifələri, olmuş əhvalatları, yiyəsi tanınan deyimləri əlimə düşən kağızlarda əyri-üyrü xəttimlə yazıb dala atanda heç bilməzdim ki, yazdıqlarım haçansa qalın bir kitab olacaq.

Əvvəllər yazıçılarla bağlı lətifələri, əhvalatları, deyimləri yazıb götürür-düm. Sonra sənətçiləri də diqqətlə dinləməyə başladım. Sıraya siyasətçilər, dövlət adamları da gəldi. Daha sonra gördüm ki, yox balam, yazıçılardan, sənətçilərdən, siyasətçilərdən başqa da yan-yörəmizdə, yaxud, bizdən kənarda kəsərli, müdrik, məzəli deyimlərilə seçilən xeyli adam var. Və artıq məni onu kimin deməsindən asılı olmayaraq dəyərli söz, dərin məna, tutarlı fikirlər maraqlandırdı. Açığını deyim ki, indi də vaxtında deyilən, yerinə düşən, işə keçən diri söz qədər heç nə mənə toxtaqlıq gətirmir.

Mən bu kitabı ona görə yazdım ki, buradakı canlı lətifələrin, əhvalatların, deyimlərin itib-batmasına razı olmadım. Həm də deyim ki, bu xəzinəni yaradanların hamısı özümüzünkülər — öz siyasətçilərimiz, öz yazıçılarımız, öz alimlərimiz, öz sənətkarlarımız, öz tanış-bilişlərimizdir. Hamısının da bir-bir adını tutmuşam. Bir həqiqətdir ki, hər kəs özünkünü daha yaxşı tanıyır və özününkündən daha yaxşı yaza bilir.

Vallah, mən bu kitabımdakıları yazmasaydım, ömür-billah, heç kəs onların hamısına yiyə durmayacaqdı. Bəlkə də onların bir hissəsi adda-budda onun-bunun yazısına səpələnəcəkdi, deyə bilmərəm, ancaq bir kitaba toplanması müşkül işdi.
Uzaq keçmişdən üzübəri sayılıb-seçilmiş adamlarımızın deyilən, lakin yazıya alınmayıb havaya uçan o qədər mübarək fikirləri olub ki…

Makedoniyalı İsgəndərin ağzından çıxanı tez yazıya alırmışlar. Amma, bizim şahlarımızın, sərkərdələrimizin, başbilənlərimizin, qabaqdagedənlə­ rimizin şəxsiyyətini, qətiyyətini, ləyaqətini və başqa insani keyfiyyətlərini tanıda biləcək sözlərini yazılı şəkildə bizə ötürən olmayıb. Olubsa da alaya-rımçıq, dəngül-düngül olub belə yazılar.

Bu kitabda görkəmli siyasətçi və dövlət xadimi Heydər Əliyevin, fədakar alim Ziya Bünyadovun, həssas rəngkar Səttar Bəhlulzadənin, ustad sənətkar Habil Əliyevin, fantast yazıçı Namiq Abdullayevin, odlu şair Xəlil Rzanın və neçə-neçə dəyərli insanların ağzından çıxmış və isti-isti yazıya alınmış kəlamlara, duzlu-məzəli deyimlərə rast gələcəksiniz.
286 kağız səhifələr
Müəllif hüququnun sahibi
Qanun Nəşriyyatı

Təəssüratlar

    Lacivərd Məmmədovatəəssüratları paylaş4 il öncə
    🌴Məzuniyyətə

    Bütün şairlər, məşhurlar, tanıdıqlarımız və tanımadıqlarımız hamı elə bil "yeyib içən oğlan yaman olmaz" prinsipiylə yazılıb. Adamlar belədə yaşayıb bizə nə demək düşür ki. Kitabdan çox şey gözləyirdim, elə söhbətlər var ki, mənim başıma gəlsəydi danışmazdım, qaldı ki, kitab yazmaq. Yəqin müəllifin ərki çatır, yaşı da imkan verir. O dövrün insanları bu cür olur. Belə...

    Kazim Kazimovtəəssüratları paylaş2 il öncə
    👍Tövsiyə edirəm

    Maraqlı söhbətlər var.Oxumağa dəyər.

    b1674541387təəssüratları paylaş2 il öncə
    👎Tövsiyə etmirəm

    Hec olmasa kitabda yaltaqliq etmeyin

Sitatlar

    Bobby Marleysitat gətirir5 il öncə
    Musiqiçilər Ağdama gedərkən Fikrət Əmirovla Qara Qarayev tərəfdarları arasında iki məhşur bəstəkardan hansının daha üstün olması barədə mübahisə başlayır və mənzil başına qədər davam edir.
    Ağdamda qonaqlıqda süfrəyə aş gəlir. Habil Əliyev mübahisə edən sənət yoldaşlarına eyhamla deyir:
    — Süfrənin Fikrəti (aşı) gəldi, bəs Qarası (qarası) hanı?
    Bobby Marleysitat gətirir5 il öncə
    Xanəndə Xan Şuşinskini Kommunist partiyasına keçirmək istəyirlər. Nə sual verirlər cavabsız qalır. Axırda soruşurlar:
    — Böyük Oktyabr İnqilabı nə vaxt olub?
    Xan Şuşinski gileylənir:
    — Oktyabr inqilabı elə hər il olur, özü də bizi aparıb havayı oxutdururlar.
    Vusala Mammadovasitat gətirir4 il öncə
    Ölkə Prezidenti Heydər Əliyev növbəti dəfə teatr tamaşasına baxmağa gəlir. Tamaşanın başlanmasına bir saat qalıb. Eldəniz Zeynalov əsəbi halda var-gəl edir. Soruşurlar: recissor Nə olub, niyə qanın qaradır?
    Aktyor cavab verir:
    — Nə olacaq, qızları görmürsüz, hamısının boyun-boğazı, barmaqları qızılnan, brilyantnan doludu. Bir-birinin bəhsinə bəziləri hətta gedib prokata (kirayəyə) götürüb.
    — Qoy geyinsinlər də, ölkə Prezidentinin teatra gəlişi bayramdı.
    Eldəniz Zeynalov deyir:
    — Alə, qərdeşim, Prezident görəcək bunlar hamısı qızıla-brilyanta tutulub, elə biləcək hamımız yaxşı dolanırıq. Maaşdarı artırmayacaq.

Rəflərdə

    Nurcan Rzayeva Qurbanlı
    Azərbaycanca kitablar
    • 559
    • 517
    Sayalı Bahar
    Qısa kitablar
    • 13
    • 256
    Vusala Mammadova
    Bioqrafiya və memuarlar...
    • 196
    • 69
    DJ Fateh
    #mustread
    • 11
    • 52
fb2epub
Faylları buraya köçürün, bir dəfəyə 5-ə qədər fayl