Gözəlliyin öz mənası var, lakin mən indiyə kimi o mənanı duymurdum. Gözəl şey ona görə mənim xoşuma gəlirdi ki, gözəl­dir, vəssalam. Mən gözəlliyin mahiyyətini anlamırdım. İndi isə anlayıram və ya daha doğrusu, anlamağa başlayıram. Bu yaşıl ot in­di mənim üçün daha gözəldir, çünki onun nə üçün belə olduğunu bilirəm, bu təpədə bitməsi üçün lazım gələn günəş şüalarının, ya­ğışların və torpağın şirəsinin bütün mürəkkəb təsirini görürəm.