Boliviya gerilyasının Dantonu adlandırılan Reji Debrey başqalarından daha yaxşı bilirdi ki, Boliviya ərazisi silahlı inqilab üçün qənaətbəxş məkan deyildi. Əvvəla, kəndlilər artıq aqrar islahat hüququnu əldə etmişdilər190 və onlar mübarizədə qətiyyən maraqlı deyildilər. Həm də ona görə ki, Boliviya cəngəlliklərində mübarizə üçün şərait Kuba dağlarındakı şəraitdən qat-qat dözülməz idi. Bütün bunlara Boliviya Kommunist Partiyasının tutduğu dəvəquşu siyasətini də əlavə etsək, Çeyə And Kordilyerini Syerra-Maestraya çevirməkdə mane olan səbəblər daha da çoxalmış olur