Lakin dünya xalqlarının tarixi müqəddəratında paradoksal hadisələr az deyil və o qüdrətli, möhtəşəm keçmişli İran ki, yalın ayaqlı, əbaları yamaqlı ərəb qoşunları tərəfindən darmadağın edilmişdi və qılınc gücünə, islamı qəbul etməyə məcbur olmuşdu, sonra üçüncü dünya dini islamın istinadgahına döndü. İranlı din sahibi ərəbdən daha mömin müsəlman oldu və qalib gələnlər məğlubiyyətə uğrayanların şagirdinə çevrildi.