Dəqiq olan bir şeydir: reklam dollarları reklam çarxı bərbad, ya da anlaşılmayan mallara sərf olunan zaman havaya sovrulur. “Pepsi-Cola” şirkəti “Pepsi One” markasının bazara çıxarılmasına 100 milyon dollar xərclədi və uğursuzluğa düçar oldu. Ümumiyyətlə, bərbad malı öldürməyin ən düzgün yolu onu reklam eləməkdir. Reklam çoxlu sayda istehlakçı cəlb edəcək və məhsulu alan müştəri ondan razı qalmayıb, tez bir zamanda dost-tanışı necə aldandığından xəbərdar edəcək.