O öz rədd cavabını bax belə izah etdi: “Mən Remini sevirəm, Remi də məni sevir. Mənimlə yaşayarkən onun alacağı ağır həyat dərsi hətta sizin özünüz istəməsəniz belə şübhəsiz ki, sizdə düşəcəyi nökər vəziyyətindən onun üçün daha artıq xeyirli olacaqdır. Siz ona təhsil və tərbiyə verəcəksiniz, ağlını inkişaf etdirəcəksiniz, lakin xarakterini möhkəmləndirə bilməyəcəksiniz. O sizin oğlunuz olmayacaq, əvəzində isə mənim oğlum olacaqdır. Bu sizin oğlunuz kimi nəcib və mehriban bir oğlan olmuş olsa belə, xəstə bir uşağın oyuncağı olmaqdan qat-qat yaxşıdır. Onu mən də oxudacağam”.