Həyatımız boyu daim suallara cavab axtarırıq, elə deyilmi? Necə varlı, necə daha gözəl ola bilərəm? Daha xoşbəxt, müvəffəqiyyətli... Daha yaxşı... Daha yaxşı... Bunları istəməyimiz üçün öyrədilirik. Ailəmizdən başlayan daha yaxşı olma yarışı ardıcıl olaraq məktəblərdə, dostlar arasında və hətta evlilik həyatımızda da davam edir. Eynən labirint kimi... Bunları istəmədikdə isə yeni axtarışa başlayırıq. Bəlkə də arzuladıqlarımızın əlçatmaz olduğunun fərqinə varan beyin bizimlə yeni oyun oynayır.