Əlbəttə, səhifəni tez doldurmaq naminə mənasız sözləri bir-birindən xeyli aralı yazmaqla məsələni həll etmək olar. Bunu hamı bacarar. Ancaq bax çərənçiliyin zəruriliyini inandırıcı şəkildə sübut etmək əsl məharət tələb edir. Beləcə fikirləşdiyim yerdə birdən ağlıma əla bir ideya gəldi. Tezliklə üç səhifəlik inşa hazır oldu. Yazıda mən sübut edirdim ki, çərənçilik qadın təbiətinin ayrılmaz xüsusiyyətidir. Az çərənləməyə cəhd etmək olar, amma bundan tamam yaxa qurtarmaq mümkün deyil. Axı mənim anam da danışqandır, mən bunu ondan öyrənmişəm, anadangəlmə xüsusiyyətlərlə necə mübarizə aparasan?