Məhəllənin özü də yoxa çıxdı. Keçmiş məhəllə barədə Nəşət Xəlilin146 əsərlərində oxuyun. Bütün İstanbul səmtlərinin sirrini kədərli həsrətlə yeni həyat eşqinin bir-biriylə çulğaşdığı həmin gözəl və dərin yazılarda taparsınız. Bu gün məhəllə qalmayıb. Yalnız şəhərin ora-burasına dağılmış köhnə, yoxsul məhəlləlilər var. Bir-birilərinin kefini soruşmaq, qəhvələrini içmək, keçmiş zamanı birgə yada salmaq üçün arabir batıb qaldıqları guşədən çıxan, min cür zəhmətə qatlanıb səmt-səmt dolaşan yaşlı məhəlləlilər... Məncə, İstanbulun əsl şairləri onlardır