Sevgisizlik ağır bir yükdür və insan bundan qurtulmaq üçün çox pisliklər edə bilər. Acımaq sevgi deyil, üstünlük iddiasıdır. Xoş niyyətli olmaq sevgi deyil, istəmədiyinə dözməkdir. Asılılıq sevgi deyil, vacibatın qarşılanmasıdır. Yaxşı, bəs onda sevgi nədir?
Sevgi – dəyər verə bilməkdir.
Sevgi – yaşama haqqını qəbul etməkdir.
Sevgi – yar olmaqdan fərəh duymaqdır.
Sevgi – birlikdə olmaqdan fərəh duymaqdır.
Sevgi – şüurdur.
Sevgi – insan olmaqdır.
Sevgini həyatımızdan çıxarıb əvəzinə pulu qoysaq, deməli, pul üçün yaşayırıq, pul üçün bir-birimizi əzirik, pul üçün peşə sahibi oluruq, pul üçün təhsil alırıq, pul üçün aldadırıq, pul üçün savaşırıq. Sevgini həyatımızdan çıxarıb əvəzinə üstün olmağı qoysaq, demək ki, üstün olmaq üçün yaşayır, yarışır, başqasının bizdən aşağı olmasına çalışırıq.