Kaşan! Gildən və palçıqdan yoğrulmuş bir şəhər. Oradan keçən səyyah əbəs yerə doğru-düzgün bir divar, gözəl bir bina görməyə ümid edər. Bununla belə, Səmərqənddən Bağdada qədər minlərlə məscidi, sarayları, mədrəsələri yaşıl və qızılı rəngə bürüyən o məşhur cilalı kərpiclər məhz burada hazırlanır. Şərqdə İslam dünyasında fayansın adı “kaşı” və ya “kaşani”dir. Necə ki, Çin şüşələri fars və ingilis dilində Çinin adından alınaraq çini adlandırılıb, kaşi sözü də Kaşanı xatırladırdı.