Məhbus müəyyən həddə qədər üzüyola və müti olur; amma elə bir hədd var ki, onu keçmək lazım deyil. Yeri gəlmişkən: dözümsüzlüyün və tərsliyin bu qəribə partlayışı qədər maraqlı heç nə ola bilməz. Bəzən insan illərlə dözür, boyun əyir, ən ağır cəzalara tab gətirir və birdən hansısa balaca bir işdə, hansısa boş bir şeydə, az qala heç nədən partlayır. Bəzən hətta bunu dəlilik də hesab etmək olar; elə beləcə də edirlər, yəni bunu dəlilik adlandırırlar.