Pul qazanmaq isə olduqca asan idi. Bunun üçün bir neçə kisəni salona yükləmək və ölkəmizin Avropa hissəsinin bir yerində boşaltmaq lazım idi. Nəticədə istənilən generalın min illik maaşına bərabər qazanc əldə etmək mümkün idi. Kim bunun qarşısında dayana bilər? Bəlkə elə buna görə heç kəs heç bir hərbi uğura nail ola bilmir və Əfqanıstanın başlıca hərbi sirri də bundan ibarətdir? Əslində taliblər, yaxud mücahidlər deyil, pul və narkotik hərisliyi qalib gəlirdi.