İlahi sevgi, — sonra söylədiklərinə xüsusi diqqət verə-verə dedi, — heç də həmişə xeyirxahlığa olan sevgi deyil. Hər şey bu qədər sadə olsaydı! Xeyirxahlığın nə olduğu bizə bəllidir, bu haqda dini ehkamlarda söylənib. Lakin Tanrı təkcə ehkamlarda deyil, anlayırsan? Yazılanlar yalnız Onun kiçik bir hissəsidir. Əlində Tanrının buyurduqları yazılmış kitabı tutub, eyni zamanda ondan qat-qat uzaqda dura bilərsən.