Şübhə yoxdur ki, repertuar məsələsində ən birinci yeri orijinal pyeslər tutur. Orijinal pyeslər teatroların canıdır. Türk teatroları orijinal pyeslərsiz yaşaya bilməz. Teatroda ildə heç olmazsa bir orijinal pyes oynanması onu tam mənasilə dirildir, teatroya tamaşaçılar cəlb edir və maddi cəhətcə dəxi çox əlverişli olur. Bu orijinal pyeslər, tərcümə edilən dəyərli pyeslərdən məzmunca bir qədər zəif olsa belə, səhnə cəhətcə daha müvəffəqiyyətli olur və tamaşaçıların əhvali-ruhiyyəsinə daha uyğun gəlir.