Elə həmin vaxt isə üsyanın rəhbərləri Sumaliot, Kaliba və Massemba Avropada, o cümlədən Parisdə danışırlar: guya ki, onların dəstələri Fort Benderanı ələ keçirib, min ədəddən çox silah, o cümlədən toplara sahib olublar və düşmənin dörd yüzdən çox hərbçisini öldürüblər. Halbuki, düşmənin itkisi heç otuz nəfər də deyildi, silahların ələ keçirilməsindən isə söhbət belə gedə bilməzdi. Ancaq bu kələk Kuba rəhbərliyini inandırır, xüsusilə də eyni məlumatı müxtəlif informasiya agentlikləri təkrarlayanda Havanada onun doğruluğuna şübhə etmirlər