– Heç nəyi düşünmürsən, saatlar isə keçib-gedir, – deyə Leon sözünə davam etdi. – Yerindən tərpənmədən müxtəlif ölkələri öz gözlərinlə görür, xəyalən səyahətə çıxırsan, təxəyyül aləmində dolaşan düşüncələriniz müxtəlif təfərrüatlara valeh qalır və ya macəralar silsiləsinin izilə gedir. Düşüncələrinlə personajlar bir-birinə qarışır; sanki onların geyimlərinin altında döyünən ürək sənə məxsusdur.