“Realist olun – mümkün olmayanı arzulayın!” (Ernesto Gevara)
Jan-Pol Sartr onu “XX əsrin ən mükəmməl insanı” adlandırıb. “Çe” təxəllüslü Ernesto Gevara 1928-ci ildə Argentinada dünyaya gəlib. 1956-cı ildə o, Fidel Kastro və daha 80 inqilabçı ilə birlikdə Meksikadan Kubaya – diktator Batistanı devirmək üçün yollanıb. Onun ruhu Maestra dağlarında dolaşır: həkim, inqilabçı, alim, şair... “Bu insanı Tanrı yollayıb”, – onun yanına müalicə üçün xəstə övladlarını gətirən kəndlilər deyirdilər.