Müharibədən sonra dünya çox dəyişdi, minlərlə savaşçı, hərbçi Qafqazdan fərar etdi. Amma onlar rus həmkarları kimi nə xörəkpaylayan, nə də rəqqas oldular. Saraylar və hərbi qərargahlar onları yaman çəkir – bu onların qanındadır. Avropada, Asiyada, Afrikada – harada ki, saraylar, əsgərlər var, hələ də döyüşlər gedir, orada qaraşın qafqazlılara rast gəlmək olar – uca boyları, qaynar gözləri, aristokrat yeriş-duruşları, qıvraq-sərrast davranışları ilə seçilirlər. Onlar hakimiyyətdə olanlara yaltaqlanır, onların qızlarına eşq elan edir, səhrada, dağlarda və ya istehkamlarda – harada ki, cəsur savaşçıya ehtiyac var – bir an da tərəddüd etmədən qanlarını axıdırlar.