Çünki həyatında heç bir sevgi macərası baş verməyən, mənim kimi bir adamın elə bir qadınla üz-üzə gəlməsi həqiqətən dəhşətli idi.
İyirmi dörd yaşında olduğum halda, başımdan heç bir qadın macərası keçməmişdi. Havranda yaşayarkən məndən yaşca böyük bəzi məhəllə yoldaşlarımın təhrikilə vur-tut bir-iki dəfə içki içib sərxoş olmuşdum. Başqa heç bir vaxt əyyaşlıqla məşğul olmamışdım. Sərxoşluğun lazım olub-olmadığını da dərk etməmişdim. Təbiətimdəki utancaqlıq bu hərəkətlərin bir daha təkrar edilməsinə yol verməmişdi