İnanmaq necə duyğudur? Güvən verən bir şey, elə deyil? Təhlükəsizlikdə oluruq. Tanrıya, həyat yoldaşımıza, müdirimizə, ailəmizə, hamıya, onların dediklərinə və dediklərini yerinə yetirməyinə inanmaq istəyirik. Yəni bir növ güvənmək istəyirik. Sanki bu kəlmələr bir-biri ilə əkizdir. Güvəndiyimiz insana inanır, güvənməsək inanmırıq. Ya da güvənmək istəyirik. Tanrının mövcud olmasını, çətin anlarımızda, heç kimə güvənə bilmədiyimiz zamanlarda Tanrıya sığınmaq, özümüzə güvənəcək nələrsə tapmaq istəyirik.