Şeyla iyun ayında, istirahət gününün kristal kimi təmiz səhərində vəfat etdi. Maykl Tolland özünü lövbərlərindən qopmuş, təlatümlü sonsuz dənizdə məqsədsiz, idarəyə tabe olmayan, dreyf edən gəmi kimi hiss edirdi. O, ətrafında nə baş verdiyindən həftələrlə anlayışsız olurdu. Dostları ona səmimi olaraq kömək eləmək istəyirdilər, ancaq onun qüruru onların dərdəşərikliyinə tab gətirə bilmirdi.
Nəhayət, son seçimi etmək vaxtının artıq yetişdiyini başa düşdü. Ya iş, ya ölüm.