Onu qarşılamaq üçün yepiskop sarayının bayır qapısına çıxan şəhər meri yepiskopun eşşəkdən düşməsini görüb hiddətlə ona baxmışdı. Burada olan bir neçə şəhərli də ona gülmüşdü. Yepiskop demişdi: “Cənab mer və cənab şəhərlilər, sizin hiddətinizin səbəbini başa düşürəm. Siz bu fikirdəsiniz ki, mənim kimi adi bir kilsə xadimi üçün həzrət İsanın mindiyi bir heyvanın belində gəzmək böyük ədəbsizlikdir. Sizi əmin edirəm ki, bu hərəkətimə səbəb heç də şöhrətpərəstlik deyil, ehtiyac və zərurətdir”.