, gəzməkdən sonra qızı evlərinə ötürürdü. Qız böyük bir pəyəyə oxşayan bu zibilli evdə yaşayırdı. Vidalaşarkən Martin ona əl verdi. Qız isə öpsün deyə, dodaqlarını onun dodaqlarına yaxınlaşdırdı, lakin Martin qızı öpmək istəmirdi. Qızdakı hansısa bir cəhət onu qorxudurdu. Onda qız şiddətli bir ürək çırpıntısı ilə onun əlini sıxdı. Martin onun kiçik ovcundakı qabarları hiss etdi və birdən mərhəmət dalğaları onu öz qoynuna aldı. Martin qızın yalvarıcı, ac gözlərini, taqətdən düşmüş, yarıuşaq, cılız bədənini