Ağır sənaye sahibləri ilə nasistlərin münasibəti, əslində, çox mürəkkəbdi. Ağalar bu quldurlardan fəhlələri, kəndliləri susdurmaq üçün istifadə etmişdilər. Quldurlar da vəzifələrini yerinə yetirmiş, mükafatlarını da almışdılar. İndi məlum olmalı idi ki, onların özündən də can qurtarmaq mümkün olacaq, ya yox. Reyxstaqın həyasızcasına yandırılması o qədər də yaxşı əlamət deyildi. İndiyəcən hakimiyyət başında olanların, köhnə qüvvələrlə təzələrin arasında yaratdıqları tarazlıq, doğrudan da, pozula bilərdi. Açıq terror hər yanı bürümüşdü