Bu kitab 1947-ci ildə işıq üzü görür. Həmin vaxtlarda seksual mövzuda, xüsusən də bu kitab gənclərə ünvanlanmışdısa, açıq danışmaq qəbul olunmurdu. Məhz buna görə də gündəlikdəki bu səpkili qeydlər kitaba daxil edilməmişdi. Bütöv parçaların və müəyyən ifadələrin kitabda yer almamasının ən vacib səbəbi də bu idi ki, Otto Frank arvadının və sığınacaqda gizlənən digər yoldaşlarının xatirəsinə kölgə salmaq istəmirdi. Anna gündəliyini yaşının keçid dövründə (13–15 yaş arası) yazmışdı. Bu səbəbdən ətrafındakılara münasibətini açıq və kəskin şəkildə bildirirdi.