– Yaxşı. İdeologiya din hesab olunmaq üçün hansı meyarlara cavab verməlidir?
– VİD, – tələbə qızlardan birinin yadına düşdü. – Vəd etmək, inanmaq, döndərmək.
– Doğrudur. Dinlər xilas vəd edir, ciddi teoloji ehkamlara inanır və inancı olmayanları öz dinlərinə döndərir. – Lenqdon susdu. – Masonlar bu müddəaların heç biri üzrə keçmir. Onlar heç kimə xilas vəd etmir, onların teologiyası yoxdur və onlar cərgələrini artırmağa can atmır. Bu azmış kimi, lojanın divarları arasında dini mövzularda söhbətlər ciddi qadağan edilib.