Bizim cəmiyyətdə kişi olmaq çox çətindir. Kişisənsə, güclü olmağa məcbursan. Heç vaxt ağlamamalı, zəif tərəflərini göstərməməlisən. Əgər göstərirsənsə, gözdən düşürsən. Qadınların da bir başqa problemi var. “Sən qadınsan” sözü ilə başlayan cümlələrlə onlarla bağlı sanki ideal varlıqlarmış kimi gözləntilər olur. “Qadın kübar, zərif, cazibədar olmalı, yaxşı geyinməli, həmişə şirin danışmalı, aqressiv və ağıllı olmamalıdır. Nə istədiyini açıq deməməli, kişilərin yanında ikinci planda olmalı, ucadan danışmamalıdır...”.