İllərlə siyasi sürgün həyatı keçirmiş biri olaraq deyirəm. Mənə qulaq as: Həyatda prinsiplər və qanunlar üçün yox, xoşbəxt olmaq üçün yaşamaq lazımdır.
– Lakin, qanunsuz və inancsız heç kim xoşbəxt ola bilməz – Qədifə dedi.
– Düzdür amma, bizimki kimi insana dəyər verilməyən zalım bir ölkədə inanclar üçün özünü məhv etmək axmaqlıqdır. Böyük prinsiplər, inanclar – bunlar zəngin ölkələrin insanları üçündür.
– Tam əksinə, kasıb bir ölkədə insanların inanclarından, dinindən başqa arxalanacağı heç nələri yoxdur.
Kanın ağlından keçdi ki, “Amma inandıqları şey doğru deyil” desin, ancaq onu demədi