AXŞAMÇAĞI

(Elçin Səlcuqun ardınca söyləndi)
Sənə məktub yazıram
Yazıram ki,
Bağışla…
Burda hava pis keçir
Ara vermir yağışlar
Tək yatıb, tək durmaqdan
Bezdirmişəm otağı
Bilirsən…
pinti olur
Yalqızların yatağı.
Yalqızlar az yuyunur
Gəlir yalqızlardan iy
Çayları soyuq olur
Yeməkləri alaçiy
Çirkli ayaqqabılar…
Dibi yanmış qazança…
Bir qırıq da ümid var;
…qayıdacaq haçansa…
Yalqız sabaha baxmır
Arzulayır keçmişi
Çox miskin mənzərədir
Ev yığışdıran kişi
Hələ bunun gecələr
içib ağlamağı var
saçın daramamağı
saqqal saxlamağı var.
Dərd ağır, hava da pis
Ara vermir yağışlar
Sənə məktub yazıram
Yazıram ki,
Bağışla…
Yüz qırx yeddi dənə sən, Aqşin Yenisey
Şərh bildirmək üçün daxil olun və ya qeydiyyatdan keçin
fb2epub
Faylları buraya köçürün, bir dəfəyə 5-ə qədər fayl