Ka bəy, Şərqi Anadolu mətbuatı böyük problemlə qarşı-qarşıyadır. Bizim qəzeti Qarsdakı vətəndaşlar alıb oxumur. Qəzetimizə abunə olanlar dövlət idarələridir. Biz də məcburən abunələrimizin oxumaq istədiyi tərzdə xəbərlərə yer veririk. Dünyanın hər yerində, hətta Amerikada belə qəzetlər əvvəlcə oxucularının istədiyi xəbərlərdən yazırlar. Əgər oxucu sizdən yalan xəbər istəyirsə, dünyanın heç bir yerində heç bir qəzet doğruları yazaraq satışını azaltmaq istəməz. Bilsəm ki, doğru xəbər satışı artıracaq, əlbəttə, yazaram! Bu da bir həqiqətdir ki, doğruları yazmağımıza polis də icazə verməz. Ankara və İstanbulda yaşayan yüz əlli nəfər qarslı oxucumuz var. Biz də onların da oralarda çox bacarıqlı və varlı olduqlarını yazıb qoltuqlarının altını şişirdirik ki, abunəliklərini təzələsinlər. Hə, bax, sonra bu yalanlara özləri də inanırlar – deyərək bir qəhqəhə çəkdi.