– Ən qorxulu şey zamandır. Zaman! İçində yaşadığımız, lakin heç vaxt sahib çıxa bilmədiyimiz zaman!
O, cibindən bir saat çıxarıb Lensin gözləri bərabərində tutdu:
– Bax budur, mənim geydirmə romantikim. Cəhənnəm maşınıdır bu! Çıq-çıq-çıq... Durmadan, bir an belə nəfəs dərmədən çıqqıldayaraq ömrümüzü yeyir. Dağdakı qar uçqununun qarşısını almaq olar, bununsa yox... Mümkünsüzdür!