Qızın fikirləri NASA-nın 1996-cı ildəki, ALH84001 kod adı olan məşhur kədərli kəşfinə qayıtdı, bu kəşf özüylə Marsdan olan meteorit idi və kosmik agentliyin hesab elədiyi kimi, onda daşlaşmış bakteriyaların izləri var idi. Lakin NASA rəhbərliyinin təşkil etdiyi triumfal mətbuat konfransından cəmi bir-iki həftə sonra bir neçə müstəqil ekspert inamlı təkziblə çıxış etdi. Onlar sübuta yetirdilər ki, daşın üzərində aşkar edilmiş “həyatın izləri” əslində yerin çirklənməsinin nəticəsindən başqa heç bir şey deyildir. NASA-nın kompetentliyinə inam laxladılmış oldu. “Nyu-York Tayms” qəzeti dərhal bundan istifadə eləyərək agentliyi “heç də həmişə yoxlanılmış məlumatları” elan etməməkdə it