Bizim şəhər camaatı çox işləyir, özü də varlanmaq üçün işləyir. Əsasən ticarətlə maraqlanır, özlərinin dedikləri kimi, hər şeydən əvvəl işgüzarlıqla məşğul olurlar. Amma kiçik əyləncələri də yaddan çıxarmır, arvadbazlıq edir, kinoya gedir, dənizdə çimirlər. Belə əyləncələri, təbii olaraq, şənbə-bazar günlərinə saxlayır, həftənin qalan günlərini isə pul qazanmağa çalışırlar. Axşamlar işdən çıxanda vədələşib kafelərdə görüşür, bulvarda gəzişir, yaxud da öz eyvanlarında otururlar. Cavanların əyləncələri çılğın və qısa olur, yaşlılar isə bir yerə toplaşır, çoxlu pul qoyub, kart oynayırlar.