Zənn edildiyi kimi, romançının siyasəti, romançının özünü siyasi məhkəmələrə həsr etməsiylə, camaatlara,7 partiyalara, komandalara qatılmasıyla əlaqəli bir şey deyildir. Romançının siyasəti romançının xəyal gücündən qaynaqlanır. Bu, roman yazarının özünü bir başqasının yerinə qoyma gücüdür. Bu güc onu heç vaxt səsləndirilməmiş insani ge rçəkləri kəşf edən insan deyil, səsi çıxmayanların, etirazı eşidilməyənlərin, basdırılmış sözün, dilə gətirilməyənin vəkili olma vəziyyətinə də gətirib çıxarır.