Antuan de Sent Ekzüperi (1900-1944) — Fransız yazıçı, şair, jurnalist və təyyarəçi idi. Fransanın bir sıra ədəbi mükafatlarına və Amerika Milli Kitab Mükafatına layiq görülüb. “Balaca Şahzadə” povesti böyüklər üçün yazılan uşaq kitabıdır. 1943-cü ildə nəşr olunan əsər dünyanın ən çox satılan və oxunan kitabları siyahısındadır. Əsərdə bir uşağın dilindən böyüklərin dünyası nəql edilir. Balaca Şahzadənin vətənindən ayrılıb altı planetə səfərini nağıl edən bölümlərdə yetkin insanların tipik həyat tərzi tənqid olunur.
