Alçaldılmış və təhqir edilmiş insanlar, Fyodor Dostoyevski
Kitablar
Fyodor Dostoyevski

Alçaldılmış və təhqir edilmiş insanlar

Oxu
503 kağız səhifələr
  • 👍8
  • 🎯4
  • 💧4
Roman əsərin aparıcı obrazı Vanyanın dili ilə nəql olunur. O, zavallı mülkədar İxmenevin ailəsində onun qızı Nataşa ilə birgə tərbiyə almışdır. İxmenevin çox varlı malikanə qonşusu knyaz Volkovski onun yaxşı təsərrüfatçı olduğunu qiymətləndirir. İxmenevə əvvəlcə malikanəni idarə etməyi tapşırır, sonra isə oğlu Alyoşanın tərbiyəsi ilə məşğul olmağı xahiş edir.
Əsərdəki bütün hadisələr də Alyoşanın İxmenevin evinə gəlməsindən sonra baş verir. Belə şayiə yayılır ki, guya İxmenev qızı Nataşanı Alyoşaya ərə vermək istəyir. Knyaz Volkovski bu izdivacın əleyhinədir. Alyoşa və Nataşa valideynlərindən gizlin ailə qurmaq istəyir. Vanya da Nataşanı sevir…

F.M. Dostoyevskinin «Alçaldılmış və təhqir edilmiş insanlar» romanının əsasında psixoloji realizminin leytmotivi sayılan insan iztirabları, tapdalanmış və təhqir edilmiş şəxslərin faciəsi dayanır, «yüksək cəmiyyət» tərəfindən «kiçik insanlar»a edilən maddi və mənəvi işgəncələr təsvir olunur. Əsərdə ictimai həyatın, ictimai münasibətlərin və insanın mənəvi aləminin bir çox cəhətlərinə toxunulur, bir-birinə zidd olan iki əxlaqi görüş xüsusi olaraq nəzərə çarpdırılır.
F.M. Dostayevski bu romanı sürgündən qayıtdıqdan sonra 1857–1861-ci illər arasında yazmışdır. Roman ilk dəfə 1861-ci ildə “Vremya” jurnalında çap olunmuşdur. Yazıçının sağlığında bu roman daha iki dəfə – 1865-ci və 1879-cu illərdə nəşr edilmişdir.
Təəssürat
Rəfə

Minlərlə kitab – bir abunəlik

Siz kitab deyil, rus dilində ən böyük kitabxanaya çıxış imkanı alırsınız.

Həmişə oxumağa nəsə var

Dostlar, redaktorlar və ekspertlər yeni maraqlı kitablar tapmaqda sizə kömək edəcək.

Harada istəyirsiniz oxuyun

Yolda, şəhər kənarında, xaricdə oxuyun. Telefon həmişə sizinlədir – deməli, kitablar da.

Bookmate – bu, oxumaq istəyəcəyiniz tətbiqdir
  • 👍Tövsiyə edirəm8
  • 🎯Faydalı kitabdır4
  • 💧Gözdən yaş gələnədək4
Giriş və ya qeydiyyat
Emil Azizov
Emil Azizovtəəssüratları paylaşkeçən il

Bizi tez-tez oxumağa cəsarət edən klassiklər, sanki əlimiz hər uzandığında kitabla aramıza naməlum bir ciddilik baş verir və kim bilir neçə əsr əvvəl qələmə alınmış bu qiymətli əsərlərin yazıldığı dövr ilə aramızdakı zaman fərqinin gətirəcəyi dərinliyin, bilinməz, naməlum narahatlığa qapılmaqdan özümüzü ala bilmərik. Klassik əsərlər hər zaman nədənsə müasir ədəbiyyatdan daha çox maraq yaradırdı məndə. Dostoyevskinin " Alçaldılmış və təhqir edilmiş insanlar " romanı digər romanlarına baxanda süjet xətti " İdiot ", " Cinayət və cəza "-ya nisbətən daha axıcıdır, xüsusilə dini, fəlsəfi dialoqlara daha az rast gəlmək olar. Romanın əsasında insan iztirabları, alçaldılmış və təhqir olunmuş insanların faciəsi dayanır. həmçinin qadın psixologiyası, qadının sevgi qarşısında alçala biləcəyi reallığı gözəl təsvir olunmuşdur. Kitab həqiqətən gözəldir. Dostoyevskinin yazıçı olduğu zaman axan sular durur. Kədər, ağrı, yoxsulluq, intiqam, ayrılıq, sevgi və daha nələr var kitabda. Əsərin aparıcı obrazı İvan Petroviç (ya da ki gözəl bir şəkildə xitab olunan Vanya) dolanışığını yazıçılıq edərək təmin edən yoxsul bir gəncdir. O, zavallı mülkədar İxmenevin ailəsində onun qızı Nataşa ilə birgə tərbiyə almışdır. İxmenevin çox varlı malikanə qonşusu knyaz Volkovski onun yaxşı təsərrüfatçı olduğunu qiymətləndirir. İxmenevə əvvəlcə malikanəni idarə etməyi tapşırır, sonra isə oğlu Alyoşanın tərbiyəsi ilə məşğul olmağı xahiş edir. Belə şayiə yayılır ki, guya İxmenev qızı Nataşanı Alyoşaya ərə vermək istəyir. Knyaz Volkovski bu izdivacın əleyhinədir. Alyoşa və Nataşa valideynlərindən gizlin ailə qurmaq istəyir. Vanya da Nataşanı sevir. Əsərin axıcılığı, gözlənilməz hadisələr əsəri maraqlı edir. Obrazların çəkdiyi iztirabları hiss edərək oxuyanda həqiqətən çox güclü təsir bağışlayır. Vanya obrazına diqqət yetirsəz Dostoyevskini tanıya bilərsiniz. Hər 2 yazıçı da pul qazanmaq üçün yazırdı. Romanda ən sevdiyim obraz Nellidir. Başdan sona qədər çəkdiyi əzablara baxmayaraq, qüruru, insanların onu alçaltmağa çalışmasına baxmayaraq güclü xarakteriylə mübarizə aparması, son nəfəsində belə özünü alçaltmaması məni heyran etdi. Məncə bu əsəri oxumayanlar çox şey qaçırdıb. Hesab edirəm ki, hər kəs oxumalı kitablardan biridir. Kitaba görə Şəhla Rəşidovaya təşəkkürümü bildirirəm.

Suleyman Rustamov
Suleyman Rustamovtəəssüratları paylaş2 il öncə
👍Tövsiyə edirəm

Bookmate mütaliə probleminə praktik həll yoludur...

Nermin Hussein
Nermin Husseintəəssüratları paylaş4 il öncə

Turkler ne yazmis,Ezilenler yazmis..biz ne yazmisiz,Alcaldilmis ce tehqir edilmis insanlar..konusmayi seviyoz

Ey mənim əziz uşaqlıq əyyamım! Ömürdən iyirmi beş il keçəndən sonra səni düşünüb kədərlənmək, səndən ötrü heyifsilənmək, ölərkən yalnız səni fərəh və minnətdarlıqla xatırlamaq nə mənasız bir şeydir!
qadınlarda elə bir hal olur ki, heç kəs onları incitməsə də, heç bir bədbəxtlik üz verməsə də, bəzən onlar incimək, bədbəxt olmaq ehtiyacını hiss edirlər.
Niyə axı insandan, verə biləcəyindən artıq şey gözləyəsən?
Azərbaycanca kitablar, Nur
Sevdiyim Kitablar, Aybəniz Həsənova
Aybəniz Həsənova
Sevdiyim Kitablar
  • 35
  • 215
 Fyodor Dostoyevski, Külək
Azərbaycanca ƏDƏBİYYAT, Vusala Mammadova
Vusala Mammadova
Azərbaycanca ƏDƏBİYYAT
  • 346
  • 130
Qoruyucu Melek, Azad M-ov
Azad M-ov
Qoruyucu Melek
  • 39
  • 117
fb2epub
Faylları buraya köçürün, bir dəfəyə 5-ə qədər fayl