Abdullayev Məmməd Şair Adiloğlu 1946-cı ildə Yardımlı rayonunun Arvana kəndində anadan olmuşdur. Mərkəzi Komitənin qərarı ilə Arvana kəndi 1955-ci ildə Sabirabad rayonunun Aleksandrovka kəndinə köçürülmüşdür. Məmməd də ilk təhsilini burda almışdır. Məmməd Şair Adiloğlu 1964–1968-ci illərdə Bakıda fəhlə işləmiş, sonra Azərbaycan Dövlət Universitetini bitirmişdir. O, 1970-ci ildən tam 42 il təhsil aldığı kənddə — Şəhriyar kənd məktəbində Azərbaycan dili və ədəbiyyatı müəllimi işləmişdir. Hal-hazırda təqaüddədir. Müəllifin şeirləri geniş əhatə dairəsinə malikdir. Yurdun, Vətənin darda qalması, quduz yağılar tərəfindən Azərbaycanın parçalanması, qanları ilə lalə bitirən şəhidlərin yurd uğrunda qurban getməsi — şairin şeirlərində bədii əksi əhatəli surətdə ifadə olunmuşdur!
